टीम AM : पीपल्स एज्युकेशन सोसायटीचा न्यायालयीन लढा यशस्वी झाला. या खटल्यासंदर्भात महाराष्ट्र धर्मादाय आयुक्त यांनी ॲड. प्रकाश आंबेडकर आणि ब्रजेंद्र के. चौबे यांच्या बाजूने निकाल दिला असून, आता ते दोघेही पीपल्स एज्युकेशन सोसायटी (PES) चे अधिकृत ट्रस्टी असतील. या निकालामुळे ‘पीईएस’ ला न्याय मिळाला अशी चर्चा सुरू आहे.
ॲड. प्रकाश आंबेडकर पीपल्स एज्युकेशन सोसायटीचे ट्रस्टी होऊ नयेत, यासाठी विरोधकांनी विविध स्तरांवर प्रयत्न केले आणि त्यासाठी अनेक आघाड्याही उभारल्या. मात्र, ही संपूर्ण लढाई न्यायालयीन आणि कायदेशीर प्रक्रियेतून पुढे गेली आणि लढा जिंकला. ही एक प्रदीर्घ कायदेशीर लढाई होती. अखेरीस न्यायालयीन प्रक्रियेनंतर सत्याचा विजय झाला असून, ॲड. प्रकाश आंबेडकर आणि ब्रजेंद्र के. चौबे यांच्या बाजूने निकाल लागला आहे.
