टीम AM : बीड लोकसभा मतदारसंघाच्या निवडणुकीकरीता मतदारसंघात सकाळी 7 ते सायंकाळी 6 वाजेपर्यंत सुमारे 68 टक्के मतदारांनी मतदानाचा हक्क बजावला. जिल्ह्यात मतदान प्रक्रिया शांततेत पार पडली.
या यामध्ये आष्टी – 69, बीड – 62, गेवराई – 65, केज – 68., माजलगाव – 68, परळी – 75 टक्के या विधानसभा मतदार संघात मतदान झाले. मतदानासाठी सकाळपासूनच मतदारांमध्ये उत्साह दिसत होता.
बीड लोकसभा मतदारसंघांमध्ये 15 आदर्श मतदान केंद्र होते. यामध्ये 288 – गेवराई – 2, 239 – माजलगाव – 2, 230 – बीड – 2 231- आष्टी – 5, 232 – केज – 4 व 233 परळी -1 हे होते. दिव्यांग, महिला, नव मतदार, तृतीयपंथी या सर्वांनी उत्साहपूर्णपणे मतदान प्रक्रियेत भाग घेऊन मतदानाचा हक्क बजावला. बीड लोकसभा मतदारसंघांमध्ये 11 दिव्यांग मतदान केंद्र होते, 55 महिला मतदान केंद्र व 316 परदानशी केंद्र होती.
