टीम AM : अंबाजोगाई शहरासह तालुक्यात ऐन उन्हाळ्यात अवकाळी पावसाने काल आणि आज दिनांक 19 मे सोमवार रोजी सायंकाळी थैमान घातले. अचानक पडलेल्या या पावसामुळे शहरातील जनजीवन विस्कळीत झाले. दरम्यान, मुसळधार पावसामुळे शहरातील वीज पुरवठा खंडित झाला होता.
अंबाजोगाई शहरासह तालुक्यात गेल्या काही दिवसांपासून उष्णतेची तीव्र लाट पसरली आहे. गेल्या आठवड्यात पारा 39 अंशाच्या वर गेला होता. उन्हामुळे शहरातील नागरिक दुपारी घरीच राहणे पसंत करीत होते. परंतू, आज दुपारी मोठ्या प्रमाणात गर्मी होत असल्याने पाऊस येणार असे वाटत होते आणि झालेही तसे. सांयकाळी अवकाळी पावसाने शहरासह तालुक्यात हजेरी लावली. यामुळे काही काळ जनजीवन विस्कळीत झाले. विजांचा कडकडाट आणि मुसळधार पाऊस यामुळे काही काळ उकाड्यापासून सुटका मिळाली असली तरी परिसरात मोठ्या प्रमाणात नुकसान झाले असल्याची माहिती समोर आली आहे.
