लोकसभा निवडणूक : चौथ्या टप्प्यात बीड जिल्ह्यात सर्वाधिक उमेदवार 

टीम AM : लोकसभा सार्वत्रिक निवडणुकीच्या चौथ्या टप्प्यात राज्यातील 11 मतदारसंघात नामनिर्देशनपत्र दाखल करण्याची प्रक्रिया पूर्ण झाली आहे. यात 369 उमेदवारांचे अर्ज पात्र ठरले होते. त्यातील 71 उमेदवारांनी माघार घेतल्याने आता 298 उमेदवार निवडणूक रिंगणात आहेत, अशी माहिती मुख्य निवडणूक अधिकारी कार्यालयाने दिली आहे.

अंतिम निवडणूक लढविणाऱ्या उमेदवारांची संख्या 

नंदुरबार – 11, जळगाव -14, रावेर – 24, जालना – 26, औरंगाबाद – 37, मावळ – 33, पुणे – 35, शिरुर – 32, अहमदनगर – 25, शिर्डी – 20, बीड  – 41 अशी आहे.

दरम्यान, सोमवार दिनांक 13 मे रोजी  बीड लोकसभा मतदारसंघात मतदान असून मतदान करण्यासाठी मतदार नागरिकांनी घराबाहेर पडावे, असे कळकळीचे आवाहन जिल्हा निवडणूक अधिकारी दिपा मुधोळ – मुंडे यांनी केले आहे.