टीम AM : मराठा समाजाला आरक्षण मिळवून देण्यासाठी संघर्ष करत असलेले मनोज जरांगे पाटील यांची कहाणी ‘संघर्षयोद्धा’- मनोज जरांगे पाटील या चित्रपटातून मांडली जाणार आहे. या चित्रपटाचा ट्रेलर लॉन्च करण्यात आला असून, 11 जूनला हा चित्रपट प्रदर्शित होईल.
सोनाई फिल्म क्रिएशन या निर्मिती संस्थेच्या गोवर्धन दोलताडे यांनी या चित्रपटाचं लेखन आणि निर्मिती केली असून, सहनिर्माते रामदास मेदगे, जान्हवी मनोज तांबे, दत्तात्रय लोहकरे, कार्तिक दोलताडे, नर्मदा सिनेव्हिजन्स हे आहेत.
शिवाजी दोलताडे दिग्दर्शक आहेत, डॉ. सुधीर निकम यांचे संवाद आणि पटकथा असून, या चित्रपटात मनोज जरांगे पाटील यांची मध्यवर्ती भूमिका रोहन पाटील यांनी साकारली आहे. या चित्रपटात संदीप पाठक, सागर कारंडे, अरबाज शेख, मोहन जोशी, श्रीनिवास पोकळे, संजय कुलकर्णी, सुरभी हांडे, माधवी जुवेकर, विजय मिश्रा, विनीत भोंडे, सुनील गोडबोले, माधव अभ्यंकर, सोमनाथ अवघडे, किशोर चौगुले, सिद्धेश्वर झाडबुके यांच्या भूमिका आहेत.
