टीम AM : शेतकरी राजाची मातीशी असणारी घट्ट नाळ, त्याच मातीतून पीक उगवण्याची तळमळ आणि त्याच शेतीमुळे त्याचं न जमणारं लग्न… याच विषयाला हात घालणारा चित्रपट ‘नवरदेव (Bsc Agri)’ 26 जानेवारीला प्रदर्शित होतोय.
तरूण शेतकऱ्याच्या भूमिकेतील क्षीतीश दाते पहिल्यांदाच प्रमुख भूमिकेत झळकणार आहे. त्याच्या साथीला प्रियदर्शिनी इंदलकर, नवरी म्हणून त्याला मिळणार की नाही, हे चित्रपटगृहात जाऊनच बघावं लागेल !
बी. एससी. ॲग्री केलेल्या महत्त्वाकांक्षी राजवर्धनला लग्नासाठी कोणकोणत्या अडचणींना सामोरं जावं लागतं, त्याला नवरी मिळते की नाही, याची कथा या चित्रपटात आहे. प्रविण तरडे, मकरंद अनासपुरे, गार्गी फुले, रमेश परदेशी, हार्दिक जोशी, नेहा शितोळे, संदीप पाठक, तानाजी गळगुंडे, विनोद वणवे अशा कलाकारांची मांदियाळी या चित्रपटात आहे.
आर्यन्स एज्युटेन्मेंट प्रस्तुत, मिलिंद लडगे निर्मित आणि राम खाटमोडे लिखित दिग्दर्शित या चित्रपटाचे क्रिएटीव्ह दिग्दर्शक विनोद वणवे हे आहेत, विनोद सातव हे क्रिएटीव्ह हेड आहेत.
