टीम AM : बीड जिल्ह्यात 11 तालुक्यांमधील 168 ठिकाणी लंम्पी चर्मरोगाची लागण झाल्याने जनावरांच्या मृत्यूचे प्रमाण वाढले आहे. त्यातच उद्या दिनांक 14 सप्टेंबर रोजी बैलपोळा सण साजरा होत आहे. सदरील रोग हा संसर्गजन्य असल्याने इतर पशुधनास त्याचा प्रादुर्भाव होण्याची शक्‍यता लक्षात घेऊन सर्व ठिकाणी सणानिमित्त जनावरे एकत्रित आणण्यास व एकत्रितपणे मिरवणूक काढण्यास मनाई करण्यात येत आहे.
जिल्हाधिकारी तथा जिल्हा आपत्ती व्यवस्थापन प्राधिकरण अध्यक्षा दीपा मुधोळ – मुंडे यांनी प्राण्यांमधील संक्रमण आणि रोगप्रतिबंध अधिनियम 2009 नुसार हा मनाई आदेश जारी केला आहे.
बीड जिल्ह्यातील सर्व तालुक्‍यातील बैलपोळा सणानिमित्त एकत्रित येणे व मिरवणूक काढणे यावर मनाई करण्यात येत आहे. जिल्ह्यातील पशुपालक व शेतकरी यांनी घरगुती स्वरूपात बैलपोळा सण साजरा करण्यावर भर द्यावा व जनावरे एकत्रित आणू नये, असे कळविण्यात आले आहे.
