टीम AM : अवधूत गुप्ते यांचा ‘लावण्यवती’ हा नवीन अल्बम भेटीला आला आहे. एकविरा म्युझिक तर्फे प्रदर्शित झालेल्या ‘लावण्यवती‘ ह्या अल्बमचा टिझर सोशल मीडियावर प्रदर्शित झाला होता. यातील घुंगरांचा नाद, ढोलकीचा ताल आणि नर्तिकांच्या नजाकतींमुळे या अल्बमविषयीची उत्सुकता असतानाच ‘गणराया’ ही श्रीगणेशाला वंदन करणारी पहिली लावणी प्रदर्शित झाली आहे.
ह्यात नृत्यांगना भार्गवी चिरमुले आपल्या अदाकारीने भुरळ घालताना दिसत आहे. नृत्य दिग्दर्शन सिद्धेश दळवी ह्यांचे आहे. ह्या गाण्याची शब्दरचना देखील अवधूत गुप्ते ह्यांचीच असून वैशाली सामंत ह्यांनी हे गाणे गायले आहे. अनुराग गोडबोले यांनी संगीत संयोजन केले असून, गुरु पाटील ह्यांनी संकलित केलेल्या या अल्बमची निर्मिती गिरीजा गुप्ते यांची आहे.
