टीम AM : हवामान विभागानं वर्तविलेल्या अंदाजानुसार, अंबाजोगाई शहरांसह परिसरात सोमवारी विजांचा कडकडाट आणि वादळी वाऱ्यासह अवकाळी पावसानं हजेरी लावली. तर काही ठिकाणी गारांचा जोरदार पाऊस पडला. मागील काही दिवसांपासून प्रचंड उकाडा वाढल्याने नागरिक त्रस्त झाले होते. मात्र, सोमवारी सायंकाळी आलेल्या अवकाळी पावसामुळं वातावरणात गारवा निर्माण झाल्यानं नागरिकांची उकाड्यापासून सुटका झाली.
आज दिनांक 5 मे सोमवार रोजी दुपारच्या सुमारास विजांच्या कडकडाटात अंबाजोगाई शहरांसह तालुक्यात पावसाने झोडपले. त्यामुळे नागरिकांची चांगलीच तारांबळ उडाली. दरम्यान, हाती आलेल्या माहितीनुसार अंबाजोगाई तालुक्यातील अनेक भागात अवकाळी पावसाने हजेरी लावली आहे. यामुळे शेतकऱ्यांच्या भाजीपाला आणि आंब्याचे मोठं नुकसान झाले आहे.
वीज पडून एक जण ठार
सोमवारी सायंकाळी झालेल्या अवकाळी पावसात अंबाजोगाई तालुक्यातील मगरवाडी या गावात वीज पडली. यात एक जणाचा मृत्यू झाला आहे. सचिन मधुकर मगर [वय – 38] असे मृत झालेल्या युवकाचे नाव आहे.
