टीम AM : मोठी बातमी समोर येत आहे, जिल्ह्या‌च्या पालकमंत्र्यांची यादी जाहीर करण्यात आली आहे, उपमुख्यमंत्री अजित पवार हे आता दोन जिल्ह्यांचे पालकमंत्री असणार आहेत. अजित पवार हे पुणे आणि बीडचे पालकमंत्री असणार आहेत. तर धनंजय मुंडे यांचं पालकमंत्रिपदाच्या यादीतून नाव वगळ्यात आलं आहे.
मुख्यमंत्री देवेंद्र फडणवीस हे गडचिरोलीचे पालकमंत्री असणार आहेत. उपमुख्यमंत्री एकनाथ शिंदे यांच्याकडे मुंबई शहर आणि ठाण्याचं पालकमंत्रिपद देण्यात आलं आहे. पंकजा मुंडे यांच्याकडे जालन्याचं पालकमंत्रिपद देण्यात आलं आहे. गुलाबराव पाटील हे जळगावचे पालकमंत्री असणार आहेत. धुळ्याचं पालकमंत्रिपद जयकुमार रावल यांच्याकडे सोपवण्यात आलं आहे.
वाशिमची जबाबदारी हसन मुश्रीफ यांना देण्यात आली आहे. संजय राठोड हे यवतमाळचे पालकमंत्री असणार आहेत. उदय सामंत हे रत्नागिरीचे पालकमंत्री असणार आहेत. नाशिकची जबाबदारी गिरीश महाजन यांच्यावर आहे. रायगडचे पालकमंत्री अदिती तटकरेंना देण्यात आले. संजय शिरसाट संभाजीनगरचे पालकमंत्री आहेत. नंदुरबार – माणिकराव कोकाटे, हिंगोली – नरहरी झिरवाळ, गोंदिया – बाबासाहेब पाटील, बुलढाणा – मकरंद पाटील यांना पालकमंत्री पदाची जबाबदारी देण्यात आली आहे.
