टीम AM : अंबाजोगाईत दहा – बारा दिवसांच्या विश्रांतीनंतर शहरांसह परिसरात रविवारी सांयकाळी साडेसातच्या सुमारास पावसानं हजेरी लावली. मागील काही दिवसांपासून प्रचंड उकाडा वाढल्याने नागरिक त्रस्त झाले होते. मात्र, रविवारी आलेल्या पावसामुळं वातावरणात गारवा निर्माण झाल्यानं नागरिकांची उकाड्यापासून सुटका झाली.
आज दिनांक 8 जून रोजी सांयकाळच्या सुमारास विजांच्या कडकडाटात अंबाजोगाई परिसराला पावसाने झोडपले. अचानक आलेल्या पावसामुळे नागरिकांची चांगलीच तारांबळ उडाली.
दरम्यान, हाती आलेल्या माहितीनुसार अंबाजोगाई तालुक्यातील अनेक भागात विजांच्या कडकडाटासह पावसाने हजेरी लावली आहे. पावसाने हजेरी लावल्यामुळे शहरातील वीज पुरवठा खंडित झाला होता, अशी माहिती प्राप्त झाली आहे.
