टीम AM : अंबाजोगाई – अंबासाखर कारखाना रस्त्यावर अपघाताची घटना घडली आहे. या अपघातात महिलेचा मृत्यू झाला आहे. पोदार शाळेजवळ आज (दि. 2 डिसेंबर) पाच ते सहा वाजण्याच्या सुमारास सदरील अपघात झाला. दरम्यान, अपघात झाल्यानंतर तात्काळ जखमींना ‘स्वाराती’ रुग्णालयात दाखल करण्यात आले.
या बाबत प्राप्त माहिती अशी की, अंबाजोगाई – अंबासाखर कारखाना रस्त्यावरील पोदार शाळेत आज विद्यार्थ्यांचा कार्यक्रम आयोजित केला होता. या कार्यक्रमासाठी मोरेवाडी येथील दिर – भावजय निवृत्ती मोरे व तेजश्री सोपान मोरे या गेल्या होत्या. कार्यक्रम संपल्यानंतर दुचाकीवरून मोरेवाडीकडे येत असताना भरधाव वेगातील दुसऱ्या दुचाकीने त्यांना जोराची धडक दिली. या अपघातात तेजश्री सोपान मोरे (वय 35) यांचा मृत्यू झाला. दरम्यान, अपघातातील जखमींवर ‘स्वाराती’ रुग्णालयात उपचार करण्यात येत आहेेत. या घटनेचा अधिक तपास अंबाजोगाई पोलीस करित आहेत.
