टीम AM : एशियन गेम्समध्ये भारतीय पुरूष हॉकी संघाने जपानचा पराभव करत सुवर्ण पदक पटकावले. याचबरोबर भारताची सुवर्ण संख्या 22 वर पोहचली आहे. भारताने जपानचा 5 – 1 असा पराभव केला. या सुवर्ण कामगिरीबरोबरच भारताने पॅरिस ऑलिम्पिकचे तिकीटही फायनल केले.
भारताकडून कर्णधार हमरनप्रीत सिंगने 2 तर मनप्रीत सिंह, अमित रोहिदास, अभिषेक यांनी प्रत्येकी 1 गोल केला. जपानला संपूर्ण सामन्यात एकदाच भारताची गोलपोस्ट भेदण्यात यश आले. भारताचे यंदाच्या एशियन गेम्समधील हे 22 वे सुवर्ण पदक आहे. या पदकाबरोबरच भारताची सध्याची पदकसंख्या ही 92 वर पोहचली आहे.
