टीम AM : मलकापूर शहरातील महामार्ग क्रमांक सहा वरती भीषण अपघातझाला आहे. दोन ट्रॅव्हल्सची समोरासमोर धडक झाल्याने 6 प्रवाशांचा जागीच मृत्यू झाला आहे. तर 25 ते 30 जण जखमी झाले आहेत. यामधील मृतांचा आकडा वाढण्याची शक्यता वर्तवली जात आहे. ही घटना आज पहाटे (29 जुलै) तीन वाजण्याच्या सुमारास लक्ष्मी नगर उड्डान पुलावर घडली.
मिळालेल्या माहितीनुसार अमरनाथची तिर्थयात्रा करुन एमएच 08.9458 ही ट्रॅव्हल्स हिंगोलीच्या दिशेने जात होती. या ट्रॅव्हल्समध्ये 35 ते 40 तिर्थयात्री होते. तर एमएच 27 बी.एक्स. 4466 या ट्रॅव्हल्समध्ये 25 ते 30 प्रवाशी होते. ही ट्रॅव्हल्स नागपूरवरुन नाशिकच्या दिशेने जात असताना मलकापूर शहरातून जाणाऱ्या महामार्ग क्रमांक सहावरती समोरासमोर धडकून भीषण अपघात झाला. हा अपघात इतका भीषण होता की, दोन्ही ट्रॅव्हल्स समोरासमोर धडकल्यानेे अक्षरशा चिरडल्या गेल्या. या भीषण अपघातात सहा प्रवाशांचा जागीच मृत्यू झाला आहे. तर दोन्ही ट्रॅव्हल्समधील 25 ते 30 प्रवासी जखमी झाले आहेत.
या घटनेची माहिती मिळताच शहर पोलीस निरीक्षक अशोक रत्नापारखी, दसरखेड ‘एमआयडीसी’ चे पोलीस निरीक्षक, अधिकारी आणि कर्मचारी घटनास्थळी दाखल झाले. जखमींवर रुग्णालयात उपचार सुरू आहेत.
