टीम AM : ‘दिनिशा फिल्म्स’ निर्मित ‘आणीबाणी’ हा चित्रपट 28 जुलैला प्रदर्शित होईल. ‘आणीबाणी’ सारखा संवेदनशील विषय रंजकपणे मांडण्याचं धाडस दिग्दर्शक दिनेश जगताप यांनी लेखक अरविंद जगताप यांच्या सोबतीने दाखवलं आहे. या चित्रपटाचा ट्रेलर प्रदर्शित करण्यात आला.
दिग्दर्शक दिनेश जगताप म्हणाले, ‘संहिता ही नेहमीच मराठी चित्रपटाचं बलस्थान राहिली आहे. तर ‘आणीबाणी’ चं कथानक ही चित्रपटाची जमेची बाजू असल्याचं सांगत, उपेंद्र लिमये यांनी चांगल्या चित्रपटाचा भाग होता आल्याचा आनंद व्यक्त केला. बाळाचे पाय पाळण्यात दिसतात असं म्हणतात, ‘आणीबाणी’ च्या बाबतीत मला हे जाणवलं असं सांगत, ही कलाकृती प्रेक्षकांसमोर आणणाऱ्या दिग्दर्शक आणि निर्मात्यांचे आभार अभिनेत्री वीणा जामकर हिने मानले.
उपेंद्र लिमये, प्रवीण तरडे, सयाजी शिंदे, संजय खापरे, वीणा जामकर, उषा नाईक, प्राजक्ता हनमघर, सीमा कुलकर्णी, रोहित कोकाटे, सुनील अभ्यंकर, पद्मनाभ बिंड, किशोर नांदलस्कर अशी कलाकारांची मांदियाळी या चित्रपटात आहे. कृष्णा जगताप, योगेश शिंदे, सचिन जगताप, अमोल महाडिक या चित्रपटाचे सहनिर्माते आहेत.
या चित्रपटाची कथा, पटकथा, संवाद अरविंद जगताप यांचे आहेत. गीतकार वलय मुळगुंद आणि प्रसन्न असून हरिहरन, अवधूत गुप्ते, आदर्श शिंदे, सायली पंकज, गणेश चंदनशिवे यांनी स्वरबद्ध केले आहे. पार्श्वसंगीत पंकज पडघन यांचे आहे. वेशभूषा पूर्णिमा ओक, कलादिग्दर्शन सुधीर सुतार तर साऊंड डिझाईनची जबाबदारी निखिल लांजेकर यांनी सांभाळली आहे. डी.आय, किरण कोट्टा आणि मिक्सिंग नागेश राव चौधरी यांचे आहे. छायांकन मंगेश गाडेकर यांचे असून संकलन प्रमोद कहार यांचे आहे. नृत्यदिग्दर्शक संग्राम भालकर आहेत.
