टीम AM : बीड येथून शिरुरकडे सेवा बजावण्यासाठी जाताना प्राध्यापकांच्या दुचाकी व कारची धडक होऊन झालेल्या भीषण अपघातात दुचाकीवरील दोन्ही प्राध्यापकांचा मृत्यू झाल्याची घटना आज सोमवारी (दि. 3) सकाळी अहमदनगर रस्त्यावर म्हसोबा फाट्याजवळ घडली आहे.
प्रा. शहादेव शिवाजी डोंगरे आणि प्रा. गव्हाणे अंकुश साहेबराव हे दोघे शिरुर का. येथील कालीकादेवी महाविद्यालयात ज्ञान दानाचे कार्य करतात. हे दोघे नेहमी प्रमाणे दुचाकीवरून शिरुर कासार येथे चालले होते. दरम्यान ते अहमदनगर रस्त्यावरील रिलायन्स पेट्रोल पंप येथे आले असता भरधाव वेगात असलेल्या कारने दुचाकीला जोराची धडक दिली. यात दुचाकीवरील दोन्ही प्राध्यापकांना जबर मार लागल्याने दोघांचाही मृत्यू झाला.
धडक बसल्यानंतर दुचाकीने पेट घेतला तर कार रस्त्याच्या खाली जाऊन खंदलेल्या मातीत अडकली. या घटनेने परिसरात हळहळ व्यक्त करण्यात येत आहे.
