टीम AM : मोजनीची हद्द कायम करणे, नकाशे व इतर संबधीत कागदपत्रे भुमिअभिलेख कार्यालय येथून प्राप्त करण्यासाठी तक्रारदार यांनी अर्ज केला होता. यामध्ये फीस भरूनही एक हजार रुपयांची लाच घेताना भूमिअभिलेख कार्यालयातील मुख्यालय सहाय्यकास बीड ‘एसीबी’ ने रंगेहाथ पकडले. ही कारवाई सोमवारी दुपारच्या सुमारास करण्यात आली.
मुबारक बशिर शेख (वय 57) रा. प्रकाशनगर, लातूर असे लाचखोर कर्मचाऱ्याचे नाव आहे. ते अंबाजोगाई येथील उपअधीक्षक भूमिअभिलेख कार्यालयात मुख्य सहायक म्हणून कार्यरत आहेत.
तक्रारदार यांनी त्यांची बर्दापुर येथील शेतजमीन गट क्र. 532, 533 ची कायदेशीर फिस भरुन मोजनी करुन घेतली होती. सदर मोजनीचे हद्द कायम नकाशे व इतर संबधीत कागदपत्रे भुमिअभिलेख कार्यालय येथुन प्राप्त करण्यासाठी तक्रारदार यांनी अर्ज केला होता. शेख यांनी शासकीय फिस वगळता एक हजार रुपयांची तक्रारदार यांच्याकडे मागणी केली.
तक्रारदार यांना लाच देण्याची इच्छा नसल्याने त्यांनी बीड ‘एसीबी’ येथे तक्रार दिली. त्यावरुन सापळा रचून कारवाई करण्यात आली. पंचासमक्ष त्यांच्या कक्षात तक्रारदार यांच्याकडून लाच स्विकारताच त्यांना रंगेहात पकडण्यात आले आहे. या प्रकरणी अंबाजोगाई शहर पोलीस ठाण्यात गुन्हा दाखल करण्यात आला आहे. ही कारवाई बीड लाचलुचपत प्रतिबंधक विभागाचे उपअधीक्षक शंकर शिंदे, पोलीस अंमलदार सुरेश सांगळे, भरत गारदे, संतोष राठोड, नामदेव उगले यांनी केली आहे.
