टीम AM : लग्न समारंभ उरकून गावाकडे जात असलेल्या स्कार्पिओ गाडीला समोरून येणाऱ्या भरधाव टिप्परने धडक दिली. या धडकेत एका 12 वर्षीय मुलाचा जागीच मृत्यू झाला आहे. ही घटना रविवारी (दि.21) सायंकाळी साडेपाचच्या दरम्यान घडली आहे.
प्राथमिक माहिती नुसार अशोक हांडीबाग (रा. चिंचपूर, ता. धारूर) हे लग्न समारंभ उरकून कुटुंबासोबत स्कॉर्पिओ गाडीने गावी जात होते. यावेळी गाडीत दोन महिला आणि 12 वर्षांचा मुलगा अशोक यांच्या सोबत होता.
चिंचपूर गावी कारी येथील धारूर पुलावरून जात असताना समोरून येणाऱ्या भरधाव टिप्परने स्कॉर्पिओ गाडीला जोराची धडक दिली. हा अपघात सायंकाळी साडेपाचच्या दरम्यान घडला आहे. अपघातात हांडीबाग यांच्या 12 वर्षाच्या मुलाचा दुर्देवी मृत्यू झाला आहे. घटनेची माहिती समजताच घटनास्थळी पोलीस दाखल झाले असून जखमींना नजीकच्या रुग्णालयात उपचारासाठी दाखल करण्यात आले आहे.
