टीम AM : छत्तीसगढच्या बलौदा बाजारात भीषण अपघाताची मोठी दुर्घटना घडली. रायपूर – बलौदा बाजार राष्ट्रीय महामार्गवर ट्रक आणि पिकअप वाहनाची जोरदार धडक बसली.
या दुर्घटनेत एका चिमुकल्यासह 6 जणांचा मृत्यू झाला आहे. तर 20 जण जखमी झाल्याची माहिती आहे. अपघाताची माहिती मिळताच स्थानिक पोलीस प्रशासनाने घटनास्थळी धाव घेतली आहे.
मिळालेल्या माहितीनुसार, पलारी पोलीस ठाण्याच्या हद्दीतील गोडा पुलिया येथे ही अपघातीच दुर्घटना घडली. मृतांमध्ये 5महिला आणि एका लहान मुलाचा समावेश आहे. पिकअप मधील लोक छठीचा कार्यक्रम उरकून परत येत होते.
त्याचवेळेस जोरदार वेगात आलेल्या ट्रकने पिकअपला धडक दिली. त्या दुर्घटनेत 20 जण जखमी झाले आहेत. जखमींना जवळीस शासकीय जिल्हा रुग्णालयात उपचारासाठी दाखल करण्यात आलं आहे.
