अंबाजोगाई : संघर्षभूमी परिवार, अंबाजोगाईच्या वतीने प्रतिवर्षी डॉ. बाबासाहेब आंबेडकर सार्वजनिक जयंती महोत्सव आयोजित केल्या जातो. या महोत्सवात विविध कार्यक्रम होतात. या वर्षीही डॉ. बाबासाहेब आंबेडकरांच्या 132 व्या जयंतीच्या निमित्ताने हा ‘भीमजयंती’ महोत्सव होणार आहे. अंबाजोगाईतील संघर्षभूमीवर होणारा हा महोत्सव 14 दिवस चालणार आहे. 1 ते 14 एप्रिल 2023 या कालावधीत हा महोत्सव होणार आहे.
या ‘भीमजयंती’ महोत्सवात पाच व्याख्याने, एक कवी संमेलन, चार प्रबोधनपर गीतांचे कार्यक्रम, एक शाहिरी जलसा, एक ऑक्रेस्ट्रा, एक नाटक तसेच अभिनय व गायनाचा विविध गुणदर्शन कार्यक्रम संपन्न होणार आहे. हे सर्व कार्यक्रम सम्राट अशोक विचारमंचावर व जयभीम विचारमंचावर होणार आहेत. दररोज सायंकाळी 6 ते रात्री 9.30 या वेळेत हे कार्यक्रम होणार आहेत.
अंबाजोगाई शहर आणि तालुक्यातील सुजान बंधु – भगीनींनी व नागरिकांनी या 14 दिवसीय कार्यक्रमांचा लाभ घ्यावा, असे आवाहन संघर्षभूमी परिवाराच्या वतीने ॲड. शाम तांगडे, गुलाबराव गायकवाड, ॲड. संदीप थोरात, संजय हतागळे, डॉ. गणेश सुर्यवंशी, डॉ. किर्तीराज लोणारे, खंडेराव जाधव गुरुजी, द्रुपदाआई सरवदे, अनंत सरवदे, विश्वनाथ सावंत, पंकज भटकर, डॉ. बबनराव मस्के, अर्जून वाघमारे व बबनराव ठोके आदींनी केले आहे.
