अंबाजोगाई : यशवंतराव चव्हाण प्रतिष्ठान, मुंबई – जिल्हा केंद्र बीडच्या वतीने बीड जिल्हास्तरीय भीमगीत – शिवगीत गायन स्पर्धा येथील वेणूताई चव्हाण कन्या प्रशाला येथे घेण्यात आली. या स्पर्धेस भरभरून प्रतिसाद मिळाला.
डॉ. बाबासाहेब आंबेडकर व छत्रपती शिवाजी महाराज यांच्या चरित्रावर आधारित गाणी ऐकून रसिक मंत्रमुग्ध झाले. या स्पर्धेमध्ये प्रथम – उपाडे बळीराम रुपये 5000 व स्मृतीचिन्ह, द्वितीय – गीत्ते महेश रुपये 3000 व स्मृतीचिन्ह, तृतीय – डॉ. इंगोले राजेश रुपये 2000 व स्मृतीचिन्ह आणि उत्तेजनार्थ – कु. अहिरे आकांक्षा रुपये 1000 व स्मृतीचिन्ह, चोपने प्रदीप रुपये 1000 व स्मृतीचिन्ह या स्पर्धकांनी यश संपादन केले.
माजी नगराध्यक्ष राजकिशोर मोदी, माजी. आ. पृथ्वीराज साठे, अनिकेत लोहिया, दगडू लोमटे, डॉ. नरेंद्र काळे, शंकरअण्णा उबाळे, डॉ. धाकडे, अभिजीत जोंधळे, अ‍ॅड. माधव जाधव, बळीराम जोगदंड सर यांच्या हस्ते बक्षीस वितरण करण्यात आले. विजेत्या स्पर्धकांचे अभिनंदन करण्यात येत आहे.
परीक्षक म्हणून खंदारे सर, सुरवसे सर व देशपांडे मॅडम यांनी काम पाहिले. सूत्रसंचालन प्रा. अनंत कांबळे आणि बालाजी शेरेकर यांनी केले. हा कार्यक्रम यशस्वी करण्यासाठी प्रा. सुरेश पाटील, प्रकाश बोरगावकर, भीमाशंकर शिंदे, महादेव माने, रणजीत मोरे, आशिष जाधव, गोविंद टेकाळे, विलास काचगुंडे यांनी परिश्रम घेतले.
