मुंबई : 12 व्या ‘यशवंत’ आंतरराष्ट्रीय चित्रपट महोत्सवाचे शानदार उद्घाटन सोमवार दिनांक 21 मार्च 2022 ला सायंकाळी यशवंतराव चव्हाण प्रतिष्ठान, मुंबई येथे झाले. यावेळी प्रतिष्ठानचे कोषाध्यक्ष हेमंत टकले, ‘यशवंत’ चित्रपट महोत्सवाचे मार्गदर्शक व समन्वयक डॉ. जब्बार पटेल, अंबरीश मिश्र व्यासपीठावर उपस्थित होते.
यंदाचा महोत्सव गानसम्राज्ञी लता मंगेशकर यांच्या स्मृतींना समर्पित आहे. चित्रपट महोत्सवाला जगभरातून अतिशय भरगच्च प्रतिसाद मिळाला, असे सांगून 200 निवडक चित्रपटांतून अंतिमतः 40 उत्तम चित्रपट आम्ही यंदाच्या ‘यशवंत’ आंतरराष्ट्रीय चित्रपट महोत्सवात प्रदर्शित करण्यासाठी निवडले आहेत.
या महोत्सवात फ्रेंच, इंडोनेशियन, रशियन आणि जर्मन असे 30 आंतरराष्ट्रीय चित्रपट आणि पाच भारतीय चित्रपट दाखवले जाणार आहेत, अशी माहिती मुख्य समन्वयक डॉ. जब्बार पटेल यांनी दिली. अधिक माहितीसाठी व चित्रपट पाहण्यासाठी https://yiffonline.com वर संपर्क साधवा.
