टीम AM : भारतात दरवर्षी 1 लाख 40 हजार लोकांचे मृत्यू सर्पदंशाने होत असतात. महाराष्ट्रात सर्पदंशाने मरणाऱ्याची संख्या मोठी आहे. केनियात झालेल्या संशोधनात आता एक क्रांतीकारक शोध लागला आहे.
युनिथिओल नावाचे औषध जे आधी धातु विषाक्ततेसाठी वापरले जात होते. ते आता सापाच्या विषावर उतारा म्हणून उपयोगी असल्याचे सिद्ध झाले आहे. 64 लोकांवर याचा प्रयोग करण्यात आला. त्यात यश मिळाले आहे. हे औषध बाजारात सहज उपलब्ध आहे आणि कमी तापमानातही संग्राह्य ठेवता येते.
सर्पदंशातील मृत्यू वेळीच उपचार न मिळाल्याने होत असतात. परंतू केनियात सापाच्या चावण्यावर मोठे संशोधन झाले आहे. या शोधामुळे घरातच सर्पदंशावर उपचार मिळणे शक्य होणार आहे. आतापर्यंत सर्पदंशावर एंटीव्हेनम औषध दिले जात होते. ते इंजेक्शनद्वारे देण्यात येत असते. ई – बायोमेडिसिनमध्ये एक लेख प्रकाशित झाला आहे. त्यातील एका अहवालात संशोधकांनी दावा केला आहे की, युनिथिओल नामक औषध जे सापाचे विष संपवण्यास मदत करते, याचा उपयोग मेटल पॉयझनिंगच्या उपचारातमध्ये केला जात होता.