अंबाजोगाई : अंबाजोगाई – लातूर महामार्गावर पोखरी फाट्याजवळ अपघाताची घटना घडली असून यात एक जणाचा मृत्यू झाला आहे. हा अपघात आज दिनांक 25 जूनला सायंकाळी साडेसातच्या सुमारास घडला आहे. कैलास कचरू सोळंके (वय 36, रा. हातोला, ता. अंबाजोगाई) असे अपघातातील मृताचे नाव आहे.
या बाबत प्राप्त माहिती अशी की, अंबाजोगाईतील काम आटोपून कैलास सोळंके हे मोटारसायकल वरून हातोल्याकडे निघाले होते. पोखरी ते सायगाव रोडवर असताना भरधाव अज्ञात वाहनाने त्यांच्या मोटारसायकलला जोराची धडक दिली.
या अपघातात गंभीर जखमी झाल्याने कैलास सोळंके यांना तातडीने ‘स्वाराती’ रुग्णालयात दाखल करण्यात आले. परंतू, तिथं डॉक्टरांनी तपासून त्यांना मयत घोषित केले. या घटनेचा अधिक तपास अंबाजोगाई ग्रामीण पोलीस करत आहेत.
