टीम AM : केज तालुक्‍यातील सावळेश्वर पैठण येथे एक हृदयद्रावक घटना समोर आली आहे. शेततळ्यामध्ये बुडून तीन बालकांचा मृत्यू झाला आहे. या घटनेेेमुळे परिसरात हळहळ व्यक्त करण्यात येत आहे.
केज शहरापासून पंधरा किलोमीटर अंतरावर असलेल्या सावळेश्वर पैठण येथील शेतामधील शेततळ्यात मंगळवारी (दि. 21) दुपारी तीन बालकांचा बुडून मृत्यू झाला. स्वराज जयराम चौधरी, पार्थ श्रीराम चौधरी आणि श्लोक गणेश चौधरी अशी मृत बालकांची नावं आहेत. ही तिन्ही बालकं 5 ते 8 वयोगटातील होती. सदरिल घटना नेमकी कशी घडली, याबाबत अद्याप कुठल्याही प्रकारची माहिती समोर आलेली नाही.
दरम्यान, सदरिल घटनेची माहिती मिळताच युसुफ वडगाव पोलीस ठाण्याचे एपीआय उबाळे यांच्यासह पोलिस कर्मचाऱ्यांनी घटनास्थळी धाव घेतली असून पुढील कार्यवाही सुरु आहे.
